Esta semana que temos a oportunidade de escoitar á profesora Lucinda Sousa no Ciclo de Conferencias que organiza o IES de Ames, será un bo momento tamén para a reflexión antropolóxica. A profesora Lucinda Sousa disertará sobre As Forzas Creativas da Lingua Inglesa. Desde este blogue propoñemos a lectura do texto de Laura Bohannan: Shakespeare en la selva. Un relato da creatividade que desprega un texto do mais famoso dramaturgo en lingua inglesa, cando se lle narra a un povo da selva africana, os Tiv.
podedes ler o texto en: http://www.antropologiasyc-106.com.ar/constructores/10cap2_boh.pdf
O texto comeza falando da fonte mesma do problema creativo: " Vos os americanos -dixo un amigo- adoitades ter problemas con Shakespeare. Despois de todo, era un poeta moi inglés, e un pode doadamente malinterpretar o universal cando non entendeu o particular"
Por suposto a conferencia coma sempre na Casa da Cultura de Bertamiráns´, este mércores ás 18:30h.

Estamos comezando un novo curso. Para comezar aprenderemos como traballan os antropólogos. Na súa vertente física ou biolóxica, algúns traballos dos antropólogos forenses están moi de actualidade. Nos laboratorios médicos do cancro, nos laboratorios de medicina legal, onde se fan análises de paternidade e tamén sobre mostras extraídas nos "corpos do delito". En fin, se queredes probar algunha das súas técnicas, deixovos un enlace á páxina de Bioloxía humana da Universidade de Arizona. Alí poderedes realizar exercicios con cromosomas e aprender a determinar a paternidade ou o grupo sanguíneo dun individuo. Divertídevos.
http://www.biologia.arizona.edu/human/human_bio.html